रायगड : श्रीवर्धन-म्हसळा तालुक्याच्या विकासासाठी सर्वतोपरी प्रयत्न करणार असल्याचे प्रतिपादन राज्याचे जलसंपदा मंत्री तथा जिल्ह्याचे पालकमंत्री सुनिल तटकरे यांनी रायगड पाटबंधारे विभाग कोलाड विभागतर्फे कुडकी लघुपाटबंधारे योजनेच्या नविन विमोचकाचे बांधकाम व भूमिपूजन समारंभ प्रसंगी केले. या प्रसंगी श्रीवर्धन तालुका समन्वय समितीचे अध्यक्ष महंमद मेमन, पंचायत समिती सभापती स्वाती पाटील, जिल्हा परिषद सदस्य श्याम भोकरे, श्रीवर्धनचे नगराध्यक्ष नरेंद्र भुसाणे, सरपंच जगदास चौलकर, अधिक्षक अभियंता वाडगावे, कार्यकारी अभियंता चव्हाण आदी उपस्थित होते. श्री. तटकरे म्हणाले की, कुडकी धरणास मोठी गळती लागली होती. येथील ग्रामस्थ व अधिकाऱ्यांनी अथक प्रयत्न करुन ती थांबविली. यामध्ये धरणाच्या मुख्य विमोचक विहिरींचे नुकसान झाल्याने या धरणावर अवलंबून असलेली कुडकी, वडवली, शिस्ते, गोंडघर, भावे गावातील जनतेला पाणीटंचाईला सामोरे जावे लागू नये म्हणून नियोजनबध्द पध्दतीने पाणी पुरवठा करण्यात आला. या धरणाच्या दुरुस्तीचे काम दर्जेदार व मर्यादित वेळेत पूर्ण करण्याचे आदेश त्यांनी संबंधित विभागाच्या अधिकाऱ्यांना दिले. याप्रसंगी आमदार निधीतून वडवली येथे बांधण्यात आलेल्या भंडारी समाज सभागृहाचे उद्घाटनही श्री. तटकरे यांच्या हस्ते करण्यात आले.
सुजीत आंबेकर सातारा जिल्हा पत्रकार हल्ला विरोधी कृती समितीचे निमंत्रक
सातारा जिल्हा पत्रकार हल्ला विरोधी कृती समितीच्या निमंत्रकपदी सुजीत बाळासाहेब आंबेकर यांची नियुक्ती करण्यात आली आव्याची माहिती महाराष्ट पत्रकार हल्ला विरोधी कृती समितीचे निमंत्रक एस एम देशमुख यांनी काल सातारा येथे दिली.
समितीच्या अन्य सदस्यांमध्ये विनोद सूर्यनारायण कुळकर्णी,शरद तात्यासाहेब काटकर,हरिष यशवंत पाटणे,मधुसुदन पत्की यांचा समावेश आहे.
जिल्हयातील पत्रकारांवर होणाऱ्या हल्ल्याच्या विरोधात आवाज उठविण्याचं काम समिती करणार आहे.तसेच पत्रकार पेन्शन योजना आणि पत्रकारांच्या अन्य प्रश्नासाठीही समिती लढा देईल.येत्या 17 फेबुवारी रोजी राज्यातील डीआय़ओ कार्यालयांना घेराव घालण्यात येणार आहे.हे आंदोलन साताऱ्यात यशस्वी करून दाखव्विमार असल्याची माहिती सुजित आंबेकर यांनी दिली.
सवाल का जबाब थप्पड से
शंकराचार्यांनी लगावली थप्पडसाधू संताना हल्ली झालंय काय तेच कळत नाही,आसाराम आपल्या “काम” वर नियंत्रण ठेवू शकले नाहीत तर व्दाककापिठाचे शंकराचार्य स्वरूपानंद सरस्वती यांना आपल्या “क्रोधा”वर नियंत्रण ठेवता येत नाही असं दिसतयं.मोदी संबंधी एक प्रश्न स्वरूपानंदांना विचारल्यानंतर त्यांनी थेट टीव्ही पत्रकाराच्याच श्रीमुखात भडकावली.मध्य प्रदेशातील जबलपूरच ी ही घटना आहे.
शंकराचार्यांनी ज्या पत्रकाराला थप्पड मारली तो आय़बीसी24 या वाहिनीचा पत्रकार आहे.नरेद्र मोदी पंतप्रधान होतील काय? असा प्रश्न विचारल्यावर शंकराचार्य भडकले आणि त्यांना आपल्या साधूत्वाचाच विसर पडला आणि त्यांनी पत्रकाराला थप्पड मारली.थप्पड मारताना ते म्हणाले,” भाग जा राजनीतीपर बात नही करनी हमे”.
या घटनंतर धर्मगुरू असलेले प्रमोद कृष्णन यांची प्रतिक्रिया हास्यास्पद होती.ते म्हणाले,” संतो के गुस्से को भी आशीर्वाद मानना चाहिए” . वरिष्ठ पत्रकार एन,के,सिंंग यानी या घटनेचा निषेध करीत शंकराचार्य याचं कृत्य घृणास्पद आणि गुन्हेगारीस्वरूपाचे असल्याचं म्हटलं आहे.
शंकराचार्यंच्या शिष्यांचंी थेरी वेगळीच आहे.संबंधित पत्रकार माईक घेऊन स्वरूपानंद महाराजांच्या फारच जवळ आला होता.डॉक्टरांनी 91 वर्षीय महाराजांना लोकांपासून दूर राहण्यास सांगितले आहे.त्यामुळे महाराजांनी माईक दूर केला. हे शंकराचार्य राजकीयदृष्टया कॉग्रेसच्या जवळचे मानले जातात.अधुन-मधून ते राजकारणावर वाट्टेल तसे भाष्य करीत असतात.शंकराचार्यांना राजकारणात असलेली रूची लक्षात घेऊनच पत्रकाराने त्यांना राजकीय प्रश्न विचारला होता.पण त्यांना प्रश्न रूचणारा नसल्यानं त्यांनी या प्रश्नाचं उत्तर थप्पडच्या स्वरूपात दिलं.
लातूरचे पत्रकार रवींद्र जगताप यांच्यावर हल्ला
रवींद्र जगताप हल्ला प्रकरण: पत्रकार
संघानं खडसावलं मेडीकलच्या प्रशासनाला
लातूर दि.१० फेब्रुवारी: लातूरचे पत्रकार रवींद्र जगताप यांना वृत्तांकन करीत असताना सरकारी वैद्यकीय महाविद्यालयातील विद्यार्थ्यांनी मारहाण केली होती. याचा सर्वत्र निषेध होत असून लातूर जिल्हा पत्रकार संघाने अधिष्ठाता दिप्ती डोणगावकर यांची भेट घेऊन निवेदन दिले, जाबही विचारला. अध्यक्ष अशोक चिंचोले यांच्या नेतृत्वाखाली सगळे पत्रकार पत्रकार संघाच्या कार्यालयात जमले. त्यांनी लातूर शहरात पडत असलेल्या वाईट पायंड्याला विरोध केला, आज हे विद्यार्थी पत्रकारांना मारतात, उद्या रुग्णांना मारतील, परवा महाविद्यालयाच्या प्रशासनालाही बडवायला कमी करणार नाहीत ही बाब निदर्शनास आणून दिली. चिंचोले यांनी निवेदन दिल्यानंतर डोणगावकरांनी पत्रकारांचीच उलटतपासणी सुरु केली, असुविधेबाबत कशी तक्रार करायची असते याचे डोस पाजण्याचे प्रयत्न केले तेव्हा हे डोस रुग्णांना-सामान्यजणांना पाजवा, त्यांनाच आधी गरज आहे, अडचण आली की पत्रकारांना वेठीला का धरता असा सवाल यावेळी करण्यात आला. आधी असं काही घडलंच नाही हे आस्थाहीन स्वरात ऐकवण्याचा प्रयत्न डोणगावकरांनी केला. नंतर मवाळ स्वरात चौकशी करुन कारवाई करण्याचं आश्वासन दिलं. यावेळी अरुण समुद्रे, विजयकुमार स्वामी, प्रदीप नणंदकर, एजाज शेख, अनिल पौलकर, महेंद्र जोंधळे, शशिकांत पाटील, निशांत भद्रेश्वर, अरविंद रेड्डी, पंकज जैस्वाल, काकासाहेब घुटे, इस्माईल शेख, आनंद माने, विजय कवाळे, परमेश्वर कंदले, रवींद्र जगताप, तम्मा पावले, हारुण सय्यद, लिंबराज पन्हाळकर यांच्यासह अनेक पत्रकार उपस्थित होते.
या आधी पत्रकारांनी निवासी उपजिल्हाधिकारी विश्वंभर गावंडे यांची भेट घेऊन निवेदन देऊन दोषींवर कारवाई करण्याची मागणी केली. त्यावर संबंधित विभागाला आदेशित केलं जाईल असं सांगण्यात आलं. –
बोला आता काय करायचं ?
पत्रकार दिनकर रायकर,अरूण साधू
दिलीप चावरे यांचा पत्रकार
पत्रकारांच्या एकजुटीचा पहिला विजय
अधिस्वीकृती नसलेल्या पत्रकारांनाही आता
विशेष बाब म्हणून मिळणार कल्याण निधीचा लाभ
१७ फेब्रुवारीचे आंदोलन सर्व शक्ती निशीयशस्वी करणार मराठी पत्रकार परिषदेचा निर्धार..
पत्रकार हल्ला विरोधी कृती समितीने जाहीर केलेले १७ फेब्रुवारी चे डी.आय.ओ कार्यालयाला घेराव आंदोलन पूर्ण शक्ती निशी यशस्वी करण्याचा निर्धार मराठी पत्रकार परिषदेच्या काल पुण्यात झालेल्या बैठकीत करण्यात आला.बैठकीच्या अध्यक्ष स्थानी परिषदेचे अध्यक्ष किरण नाईक होते.राज्यभरातील ३५ पैकी २९ जिल्ह्यातील प्रतिनिधी आणि जिल्हा अध्यक्ष बैठकीला उपस्थित होते.१७ फेब्रुवारीच्या आंदोलनाची तयारी आणि संघटनात्मक बाबीवर चर्चा करण्यासाठी हि बैठक बोलावण्यात आली होती.बैठकीत पत्रकार हल्ला विरोधी कृती समितीचे निमंत्रक एस.एम.देशमुख यांनी आंदोलनाची माहिती दिली .ते म्हणाले १७ फेब्रुवारी रोजी ११ वाजता राज्यातील पत्रकार आप आपल्या जिल्ह्यातील ,जिल्हा माहिती कार्यालयात जातील आणि तेथे तीव्र स्वरुपाची निदर्शने आणि सरकार च्या विरोधात तीव्र स्वरूपाचे निदर्शने आणि घोषणाबाजी करतील आणित्यानंतर मागण्यांचा निवेदन जिल्हा माहिती अधिकार्यांना देण्यात येतील.पत्रकार सौरक्षण कायदा व्हावा आणि पत्रकारांना पेन्शन मिळावे तसेच अन्य ८ मागण्यांसाठी करण्यात येणारे हे आंदोलन यशस्वी करण्याचे आव्हान हि बैठकीत करण्यात आले.बैठकीस कार्याध्यक्ष चन्द्रशेकर बेरे,सरचिटणीस संतोष पवार,सिद्धार्थ शर्मा ,सुभाष भारद्वाज,शरद पाबळेराजेंद्र कापसे ,बापू गोरे,सुनील वाळूंज आदि उपस्थित होते.
पत्रकारांच्या गळचेपीत भारत अव्वल
वृत्तसंस्था, वॉशिंग्टन
मोनोरेलची पहिली सारथी, अलिबाग कन्या जुईली भंडारें
कोर्टात मालक हरले, श्रमिक पत्रकार जिंकले
मजिठिया आयोगाच्या शिफारशींच्या विरोधातील\
मालकांची याचिका सुप्रिम कोर्टाने फेटाळली
श्रमिक पत्रकरांसाठी आज बऱ्याच दिवसांनंतर एक चांगली बातमी आली आहे.पत्रकारांच्या वेतनाच्या संदर्भाथ मजिठिया आयोगानं ज्या शिफारशी केल्या आहेत त्या लागू करण्याचा आदेश सर्वोच्च न्यायालयाने दिला आहे. 11 नोव्हेंबर 2011पासून मजिठिया आयोगाच्या शिफारशीनुसार वेतन द्यावे लागेल.म्हणजे किमान दोन अडिच वर्षांचे ऍरियर्स मालकांना द्यावे लागतील.सर्वोच्च न्यायालयाच्या या निर्णयामुळे देशभरातील श्रमिक पत्रकारांमध्ये आनंदाचे वातावरण आहे.
सर्वोच्च न्यायालयाच्या या निर्णयाचा पत्रकार आणि पत्रकारेतर कर्मचाऱ्यांना मोठा लाभ होणार आहे.
देशातील काही मोठ्या वृत्तपत्र समुहांनी मजिठिया शिफारशीच्या विरोधात सर्वोच्च न्यायालयात याचिका दाखल केली होती.गेली अनेक दिवस या याचिकांची सुनावणी सुरू होती.त्यामुळे पत्रकाारामध्ये अस्वस्थतः होती.मात्र अखेरीस मालक पराभूत झाले,श्रमिक जिंकले.मालकांच्या सर्व याचिका न्यायालयाने फेटाळून लावत मजिठिया वेतन आयोगानुसार पगार देण्याचे आदेश दिले आहे.जी मागील थकित बाकी आहे ती एका वर्षात चार हप्त्यात देण्याचे आदेशही कोर्टाने दिले आहेत.
मजिठिया आयोगाच्या शिफारशींबाबतचा निकाल पत्रकारांच्या बाजुने लागल्याची बातमी येताच पत्रकारांमध्ये आनंदाचे वातावरण पसरले.विविध पत्रकारानी परस्परांचे अभिनंदन करीत आपला आनंद साजरा केला.
कोर्टाच्या या निर्णयाचा पत्रकार हल्ला विरोधी कृती समितीला विशेष आनंद झाला.सरकार पत्रकारांचे कोणतेच प्रश्न सोडवत नसेल तर आता पत्रकारांना न्यायालयात जावून आपले प्रश्न सोडविता येऊ शकतात अशी आशा न्यायालायाच्या या निर्णय़ामुळे निर्माण झाल्याची प्रतिक्रिया समितीचे निमंत्रक एस.एम.देशमुख यांनी व्यक्त केली आहे.न्यायालायाच्या या निर्णयाचे त्यांनी मनःपूर्वक स्वागत केले आहे.
