Thursday, May 13, 2021
Home Blog

कुबेरांची कुरबूर

0

कुबेरांची कुरबूर

अग्रलेख मागे घेण्याचा जागतिक विक्रम लोकसत्ताचे संपादक गिरीश कुबेर यांच्या नावावर नोंदविला गेलेला आहे.. तत्त्वांची आणि नितीमूल्यांची कुबेरांना एवढीच चाड असती तर त्यांनी अग्रलेख मागे घेण्याऐवजी राजीनामा मालकांच्या तोंडावर फेकला असता…जागतिक नामुष्की वाट्याला आली तरी त्यांनी खुर्ची सोडली नाही यांचं कारण खुर्चीचं महत्व ते जाणून होते,.. आहेत.. संपादकांच्या खुर्चीवर बसून सारे लाभ तर मिळवता येतातच शिवाय जगाला तुच्छ लेखत फुकटचे सल्ले देण्याचा निसर्गदत्त अधिकारही प्राप्त होतो .. अग्रलेख मागे घेतलेले कुबेर हा अधिकार पुरेपूर उपभोगत आहेत.. आयुष्यात कधी ढेकळात न गेलेले हे महाशय शेतकरयांच्या नावानं शिमगा करणार, त्यांना मिळणारया सवलतींबददल कायम ठणाणा करतात, चळवळीशी सुतराम संबंध नसलेले हे महाशय कायम चळवळींच्या विरोधात आपली लेखणी पाजळत राहणार.. हक्काची भाषा करणारा यांना चालत नाहीत.. लोकप्रिय मागण्यांना विरोध करून आपण प्रवाहाच्या विरोधात पोहणारे संपादक असल्याचा आभास निर्माण करण्याचा कुबेरांचा सतत प्रयत्न असतो.. त्यामुळे नकारात्मक भूमिका घेऊनच त्यांची सकाळ होते.. बहुसंख्य पत्रकार जेव्हा पत्रकार संरक्षण कायद्याची मागणी करीत होते तेव्हा हे विद्वान “पत्रकारांना असा विशेष दर्जा देण्याचं कारण काय” ? असा प्रश्न विचारत होते.. पत्रकार पेन्शनच्या वेळेस देखील त्यांची अशीच कुरबूर सुरू होती.. पत्रकारांना तरी कुठे हौस आहे, सरकारपुढे हात पसरण्याची..? पण माध्यमांचे मालक पत्रकारांना कोणतेच सरंक्षण देत नसतील गिरीश कुबेर यांच्यासारखे संपादक मालकांच्या हो ला हो मिळवून स्वतःच्या खुर्च्या टिकवत सहकरयांच्या हक्कांचा बळी देत असतील तर कोणाला तरी संरक्षण मागावेच लागेल.. बरं सरकार पत्रकारांसाठी चार गोष्टी करून पत्रकारांवर काही उपकार करीत नाही, ज्या समाजासाठी पत्रकार आयुष्य वेचतो त्या पत्रकारांची काळजी घेणे ही समाज आणि सरकारची जबाबदारी आहे..हे सर्वत्र होते.. गिरीश कुबेर यांच्या सारखे संपादक काय म्हणतात याची पर्वा न करता सरकार ती जबाबदारी पार ही पाडत असते .. कुबेराच्या नाकावर टिच्चून कायदा झाला, पेन्शन मिळाली, आरोग्य विषयक सुविधा मिळाल्या हे पाहून कायम अस्वस्थ असलेल्या कुबेरांना पत्रकारांना लस देण्याची मराठी पत्रकार परिषदेची मागणी पक्षपाती, गैरवाजवी, बेजबाबदारपणाचे वाटायला लागली.. वाटू द्या, तुम्हाला विचारतो कोण? कुबेर हे हस्तिदंती मनोरयात बसतात.. ते कमालीचे माणूसघाणे असल्याने त्यांना कोरोनाचा संसर्ग होण्याची सुतराम शक्यता नाही.. मात्र महाराष्ट्रभर विखुरलेले पत्रकार गिरीश कुबेर यांच्यासारखे भाग्यवान नाहीत.. त्यांना रोजीरोटीसाठी रस्त्यावर उतरावे लागते..माणसात जावे लागते, जगण्यासाठी धावपळ करावी लागते.. त्यामुळे त्यांना संसर्ग होण्याची जास्त शक्यता असते..बाधित होणारया पत्रकारांच्या हालअपेष्टाना पारावार नसतो.. ऑक्सीजन, व्हेटिलेटर न मिळाल्याने अनेक पत्रकारांचे जीव गेले आहेत.. अशी वेळ गिरीश कुबेर यांच्यावर येण्याची शक्यता नाहीच. .. मालकांचे लांगुलचालन करून टिकविलेलया खुर्चीची सारी यंत्रणा दिमतीला आहे.. शिवाय सरकारची यंत्रणा देखील दिमतीला असतेच.. सर्व सुविधा घरबसल्या मिळाल्यावर इतरांच्या किरकोळ सवलती देखील डोळ्यात खुपायला लागतात.. मग तात्विकतेचे मुलामे देत विरोध सुरू होतो.. गलेलठ्ठ पगाराचे ढेकर देत इतरांना उपदेशाचे डोस पाजणे सोपे असते.. पण महाराष्ट्रातील ज्या 130 पत्रकारांना केवळ योग्य उपचार न मिळाल्याने मृत्यूला कवटाळावे लागले अशा पत्रकारांच्या घरातील जीवघेणा आक़ोश संवेदनाशून्य कुबेराच्या कानावर जाण्याची शक्यता नाही.. लस देण्यास होणारा विरोध हा या संवेदनाशून्यतेचा भाग आहे.. पत्रकारांना लस देताना विशेष सवलत देण्याची गरज नाही असं सांगणारे कुबेर यांनी कोणत्या ठिकाणी रांगेत उभे राहून लस घेतलीय ते सांगावं . महापालिकेच्या रूग्णालयालमोर लागलेल्या लांबच लांब रांगेत गिरीश कुबेर उभे असल्याचे चित्र लोकसत्तानं कधी छापलेलं नाही.. याचा अर्थ त्यांनी संपादक असल्याचा ठेंभा मिरवतच लस घेतलेली असली पाहिजे.. म्हणजे आपण करतो ते सारं नैतिक, जबाबदारपणाचे आणि इतरांच्या मागण्या अनैतिक आणि बेजबाबदारपणाच्या हे ढोंग आम्हाला मान्य नाही… गिरीश कुबेर यांनी कितीही कुरबुर आणि टिवटिव करावी आमच्यावर फरक पडणार नाही.. राज्यातील बहुसंख्य पत्रकारांना लस हवीय, ऑक्सीजन हवाय त्यामुळे साडैतीन टक्के कुबेरछाप मंडळी काय म्हणतेय यानं ना सरकारवर काही फरक पडेल ना आमच्या चळवळीवर.. ज्या ज्या गोष्टींना कुबेर यांनी विरोध केला त्यासर्व गोष्टी पदरात पाडून घेण्यात राज्यातील पत्रकार यशस्वी ठरले.. यावेळेस देखील मागची पुनरावृत्ती होणार असल्याने कुबेर यांच्यावर पुन्हा आदळ आपट करण्याचीच वेळ येणार हे नक्की

एस.एम.देशमुख

पत्रकारांच्या प्रश्नांवर भाजप गप्प का?

0

पत्रकारांच्या प्रश्नावर भाजप गप्प का? :एस.एम.देशमुख

मुंबई : महाराष्ट्र सरकार पत्रकारांना फ़न्टलाईन वॉरियर्स म्हणून घोषित करीत नसल्याबद्दल राज्यातील पत्रकारांमध्ये मोठा असंतोष असला तरी विरोधी पक्ष असलेला भाजप मात्र या सर्व घटनांकडे तटस्थ भूमिकेतून बघत असल्याने आश्चर्य व्यक्त होत आहे..
देशातील अन्य नऊ राज्यांप्रमाणे महाराष्ट्रातील पत्रकारांना देखील फ़न्टलाईन वॉरियर्स म्हणून जाहीर करावे अशी मागणी करीत सत्ताधारी पक्षातील बाळासाहेब थोरात, छगन भुजबळ, श्रीकांत शिंदे, निलमताई गोऱ्हे, कपिल पाटील यांच्यासह अनेकांनी मुख्यमंत्र्यांना पत्रे लिहिली आणि ती सोशल मिडियावर व्हायरल केली. खरं म्हणजे हे सर्व नेते मुख्यमंत्र्यांच्या एवढे जवळचे आहेत की, पत्र लिहिण्याऐवजी सर्वांनी मुख्यमंत्र्यांची भेट घेऊन दबाव आणला तर हा प्रश्न चुटकीसरशी सुटेल.. तसे होत नाही.. मात्र सत्ताधारी नेते आपल्याच मुख्यमंत्र्यांना पत्रं लिहितात हे अपवादात्मक चित्र महाराष्ट्रात दिसते आहे.. अनेक महत्वाच्या विषयावर सतताधारयांच्या बंद दाराआड चर्चा होतात आणि निर्णय घेतले जातात.. मग पत्रकारांच्या प्रश्नांबाबतच हे गुऱ्हाळ का? की तू मारल्यासारखं कर मी रडल्यासारखे करतो अश्यातला तर हा प्रकार नाही ना? असा सवाल एस.एम.देशमुख यांनी उपस्थित केला आहे..

अर्थात सत्ताधारी नेत्यांना धन्यवाद यासाठी की ते किमान पत्रं तरी देत आहेत विरोधक मात्र ते ही करीत नाहीत.. ते गप्प आहेत..स़रकारची अडवणूक करण्यासाठी कायम विषयाच्या शोधात असलेल्या विरोधकांना पत्रकारांचे प्रश्‍न सरकारची कोंडी करण्याच्या योग्यतेचे वाटत नाहीत याचे आश्चर्य वाटते.. वसतु:केंद़ सरकार असेल किंवा भाजपची सत्ता असलेल्या युपी सारखी काही राज्ये असतील तेथे सरकारने निर्णय घेतलेले आहेत.. केंद्राने मयत पत्रकारांच्या नातेवाईकांना पाच लाखाचे सानुग्रह अनुदान देण्याचा निर्णय घेतला आहे.. “आमची सरकारं पत्रकारांची काळजी करतात मग तुम्ही पत्रकारांकडे का दुर्लक्ष करताय? असा सवाल करीत भाजप राज्यात रान उठवू शकले असते मात्र भाजप पत्रकारांच्या प्रश्नांवर काहीच बोलत नाही.. ठाकरे सरकारवर पत्रकार नाराज होणार असतील आणि सरकार परस्पर बदनाम होणार असेल तर होऊ द्या असा तर भाजपचा दृष्टीकोन नाही ना? असा सवाल एस.एम.देशमुख यांनी उपस्थित केला आहे.. गंमत आणि विरोधाभास असा आहे की, सत्ताधारी आपल्याच मुख्यमंत्र्यांना पत्रं लिहित आहेत आणि विरोधक मात्र गंमत बघत आहेत.. या राजकारणात राज्यातील पत्रकारांची मात्र ससेहोलपट होत असल्याचा आरोप देखील एस.एम.देशमुख यांनी केला आहे..

वेदनेचा हुंकार

0

वेदनेचा हुंकार

एक मे हा दिवस प्रचंड तणावात गेला.. तणाव उपोषणाचा किंवा आत्मक्लेषाचा नव्हताच.. मोठ्या हिंमतीनं, निर्धारानं अशी शेकड्यांनी आंदोलनं केलीत आपण.. ती यशस्वीही केलीत.. मी तणावात कधी नव्हतो .. विषय कुटुंबाचा येतो.. तेव्हा माणूस हळवा होतो.. तणावात येतो.. कोरोनानं सारयांनाच तणावात टाकलंय.. मला आणि माझ्या कुटुंबाला ही सोडलं नाही..

25 एप्रिल रोजी मी आत्मक्लेष आंदोलनाची घोषणा केली.. नियोजन असं होतं की, मी एकट्यानंच हे आंदोलन करायचं.. मात्र “आम्हीही आत्मक्लेष करतो आहोत” असे संदेश राज्यभरातून येऊ लागले.. बघता बघता माझ्या आत्मक्लेषाला राज्यव्यापी आंदोलनाचं स्वरूप मिळालं.. नेहमी प्रमाणे मग तयारी सुरू झाली.. निवेदनं,बातम्या, जाहिरातीचा मारा होऊ लागला. .. मला आंदोलन म्हटलं की, अन्य काही सुचत नाही.. मी सारी कामं सोडून आत्मक्लेषच्या मागं लागलो.. 27 ला शोभनाचा फोन आला घश्यात खवखव होतंय, चव आणि गंध ही नाही.. असं म्हणत होती.. मी फार मोठा तज्ज्ञ असल्यासारखा हळद दुध, काढा पिण्याचा सल्ला दिला.. उपयोग होत नव्हता. एक दिवस अंगावर काढलं .. 29 ला कोरोना टेस्ट केली.. रिपोर्ट संध्याकाळी आला.. शोभना पॉझिटिव्ह आली होती.त्याच रात्री सुधांशू देखील तापानं फणफणू लागला.. सोबत सर्दी देखील होती.. वेळ न घालवता 30 तारखेला त्याचीही टेस्ट केली.. तो ही पॉझिटीव्ह आला.. हे जेव्हा मला कळलं तेव्हा पायाखालची वाळू सरकली.. कारण ही दोघच पुण्यात होती .. मी गावी.. तातडीनं पुण्याला पोहचून त्यांच्यावर उपचार सुरू करणं ही माझी कौटुंबिक जबाबदारी होती.. माझी अडचण अशी होती की, 1 तारखेला म्हणजे दुसरया दिवशीच आमच्या “माणिकबागेत” आत्मक्लेष आंदोलन करायचं होतं.. जीवाची घालमेल सुरू होती.. इकडे आड – तिकडे विहीर अशी स्थिती.. जाणंही आवश्यक होतं, आत्मक्लेष टाळता येणं शक्य नव्हतं.. कारण सारया महाराष्ट्राच्या नजरा आंदोलनाकडे लागल्या होत्या..अशा स्थितीत सेनापतीला रणांगण सोडून पळण्याची मुभा नव्हती.. .. आधी लगीन कोंडाणयाचं हा तानाजींचा संदेश आम्ही दृषटीआड करू शकत नव्हतो..
अलिबागला आमचे कौटुंबिक मित्र आहेत डॉ. प्रशांत जन्नावार.. नांदेडचे आहेत.. गेली 20-25 वर्षे अलिबागलाच आहेत.. एम. डी. आहेत.. हृदयरोग तज्ज्ञ आहेत.. गेल्या 20 वर्षाचा अनुभव आहे, आम्ही हाक दिली की ते देवदूत बणून येतात.. एक सज्जन, सामाजिक बांधिलकी जपणारा, निष्णात डॉक्टर म्हणून ते रायगडमध्ये परिचित आहेत.. शिंक जरी आली तरी रात्री बेरात्री आम्ही फोन करून त्यांना त्रास देतो .. आमच्या बाबतीत कधी त्यांनी कंटाळा किंवा टाळाटाळ केली नाही.. माझा फोन जायच्या अगोदरच शोभनानं त्यांना फोन केला होता.. त्यांनी माहिती घेतली अन उपचारही सुरू केला.. पण कोरोना झाला या जाणिवेनंच सारे घाबरून जातात.. मी घाबरलो.. पुण्यातले जिवाभावाचे मित्र सुनील लोणकर, तुळशीराम घुसाळकर, संदीप बोडखे, सुनील नाना जगताप, सुनील वाळुंज, प्रमोद गव्हाणे, शरद पाबळे आदिंना फोन केले.. थेट बेडची व्यवस्था करा अशी विनंती केली.. मी घाबरलयाची ही लक्षणं होती.. मी पॅनिक झालो होतो . तसं व्हायचं कारण नव्हतं.. रूग्ण अगदीच नॉर्मल होते.. बहुतेक रूग्णांची अवस्था अशीच होते.. मी दररोज अनेकांना धीर देण्याचं काम करतो .. वेळ आपल्यावर येते तेव्हा माणूस बेचैन होतो.. जसा मी झालो होतो..सर्व मित्रांनी आश्वासन दिलं, “सर तुम्ही इकडची काळजी करू नका तुमचं आंदोलन होऊ द्या.. आम्ही इकडं सर्व व्यवस्था करतो” .. थोडा धीर आला.. तुळशीराम घुसाळकर हा माणूस असाय की, त्यांनी एखादा विषय मनावर घेतला की, मग त्यांना चैन पडत नाही.. आणि ते दुसरयीलाही स्वस्थ बसू देत नाहीत.. संदीप बोडखे यांना बरोबर घेऊन त्यांनी डॉक्टर मोहन वाघ यांना गाडीत घातले आणि घरी दोन पॉझिटीव्ह रूग्ण आहेत याची जराही पर्वा न करता हे तिघेही औषध, गोळ्या घेऊन माझ्या घरी पोहोचले.. रूग्णांना धीर दिला..
इकडे मी रात्रभर जागाच होतो.. फोनाफोनी सुरूच होती …पुण्यातील मित्रांनी सारी मदत केल्यानं सकाळी 8 वाजता ठरल्या प्रमाणे आत्मक्लेष सुरू झालं.. लक्ष लागत नव्हता.. अनिल वाघमारे, हरी पवार, आणि वडवणीचे पाच सहा मित्र मला भेटायला आले.. माझी बैचैनी त्यांच्या लक्षात आली असली तरी मी त्यांना काहीच कळू दिलं नाही. .. शोभनाला दहा दहा मिनिटाला फोन करून ऑक्सीजन लेवल, टेंपरेचर विचारत होतो. सुधांशूचा ताप कमी जास्त होत होता.. डॉ. जन्नावार, डॉ. मोहन वाघ यांच्या सूचनेवरून उपचार चालू होते.. तेवढ्यात आमचे मित्र विभागीय सचिव बापुसाहेब गोरे यांच्या पत्नी आणि मुलगा पॉझिटिव्ह झाल्याचे आणि त्यांच्या पत्नीची ऑक्सीजन लेवल कमी झाल्याने त्यांना हॉस्पिटलमध्ये अ‍ॅडमिट केल्याचे बापूंनी सांगितलयानं मी अधिकच अस्वस्थ झालो.. काय करावे सुचत नव्हतं.. बाईट द्यायला मुड नव्हता.. माझ्या आत्मक्लेष चा फोटो ज्यांनी पाहिला असेल त्यांना माझ्या चेहरयावरील तणाव नक्की दिसला असेल.. वडवणीचे पत्रकार मित्र होते तोपर्यंत कसा तरी वेळ गेला.. नंतर आख्ख वावर खायला उठलं.. सायंकाळी 6 पर्यत आंदोलन ठरलं होतं.. मी 4 वाजताच उठलो.. घरी आलो.. आई – वडिलांना सांगून मन हलकं करणं ही शक्य नव्हतं . ते हृदयविकाराचे पेशंट आहेत.. सारखं सुधांशूला व्हिडीओ कॉलवर बोलत राहणं एवढंच हातात होतं…. आमचा हा मुलगा थोडा हळवा.. आई पेक्षा वडिलांचा जास्त लळा.. थोडा मितभाषी, अलिप्त.. आपण आजारी असताना पप्पा नाहीत या जाणिवेनं तो थोडा मलूल झाला होता…त्याच्या चेहरयावर हे दिसत होतं.. शोभना तशी खंबीर, धीट.. कोणत्याही संकटाला निर्धारानं तोंड देण्याची क्षमता असलेली.. स्वतः पत्रकार असल्यानं माझी मानसिक कोंडी ती समजू शकत होती.. ती रूग्ण होती.. मात्र तीच मला हिंमत देत होती.. “काळजी करू नकोस, सारं व्यवस्थित होईल.. सारया महाराष्ट्रातील पत्रकारांच्या नजरा तुझ्या आंदेलनाकडे आहेत, त्यांना निराश करू नको” हे तिचे शब्द होते..अर्थात अशा शाब्दिक सांत्वनानं काय होणार.?. कुटुबाला माझी गरज असताना कुटुंब प्रमुख 300 किलो मिटर दूर बसला होता.. हे शल्य मला स्वस्थ बसू देत नव्हतं..
अशा मानसिक घालमेलीतच माझं आत्मक्लेष संपलं .. घुसाळकर मला म्हणाले देखील. सर सारा अनुभव लिहा… मात्र मी लिहिलं नाही, चार – सहा मित्र सोडले तर कुणाला सांगितलंही नाही. मी माझ्या कुटुंबाचा जसा प़मुख आहे तद्वतच मी परिषदेचा देखील कुटुंब प्रमुख आहे.. कुटुंब प्रमुखाने कुटुंबातील सदस्यांची काळजी घ्यायची असते.. त्याला आपल्या दुःखाचे कढ काढत बसण्याची मुभा नसते.. त्यामुळे मी माझ्या व्यक्तीगत वेदना, दु:ख, शक्यतो सांगत नाही.. मीच रडत बसलो तर तुम्ही आपलं दुख कोणाला सांगायचं…? असं मला नेहमी वाटतं.. आज पत्नी आणि मुलगा व्यवस्थित असल्यानं हुंकार दाटून आला..
असो शोभनाचं सिटीस्कॅन केलं, दोघांचेही ब्लडटेस्ट केल्या .. आपल्या सर्वांच्या शुभेच्छामुळं सारं नॉर्मल आलं.. आज दोघांचीही प्रकृती उत्तम आहे.. डॉ. प्रशांत जन्नावार, डॉ. विशाखा जन्नावार, डॉ. मोहन वाघ, मित्रवर्य तुळशीराम घुसाळकर, संदीप बोडखे, सुनील लोणकर, शरद पाबळे सुनील वाळुंज या सर्व मित्रांना शतशः धन्यवाद.. याची मदत आणि भावनिक आधार यामुळे आत्मक्लेष आंदोलन पार पडलं आणि आम्ही एका संकटातून सहीसलामत बाहेर पडलो.. घरात दोघेही कॉरंन्टाईन असल्याने आमचे व्याही८अभय चिटणवीस आणि सौ. वेजयंती चिटणवीस यांनी आठ दिवस स्वादिष्ट भोजणाची व्यवस्था केली.. म्हणजे जेवणाची देखील अडचण आली नाही.. आम्ही सारे आता ठीक आहोत, मात्र बापुसाहेब गोरे यांच्या पत्नी अजून रूग्णालयातच आहेत.. त्यांना लवकर आराम पडावा यासाठी आपण सारे प्रार्थना करू यात..

एस.एम.देशमुख

पुन्हा तोंडाला पाने पुसली

0

सरकारने पत्रकारांच्या तोंडाला पुन्हा पुसली

मुंबई : महाराष्ट्रातील पत्रकारांना फ़न्टलाईन वर्कर म्हणून जाहीर करण्याचा निर्णय आजच्या कॅबिनेटमध्ये होईल अशी जोरदार चर्चा मुंबईत होती पण तसे काहीच झाले नाही.. राज्य सरकारने पुन्हा एकदा राज्यातील पत्रकारांच्या तोंडाला पाने पुसली आहेत..सरकारच्या पत्रकारांप़ती असलेल्या उदासिन भूमिकेबद्दल एस.एम.देशमुख यांनी तीव़ नापसंती आणि चिंता व्यक्त केली आहे.. देशातील आठ राज्यांनी पत्रकारांना फ्रन्टलाईन वर्कर म्हणून जाहीर केले असले तरी महाराष्ट्र सरकारला पत्रकारांचे एवढे वावडे का? असा सवाल देशमुख यांनी केला आहे..
माहिती अशी आहे की, महसूल मंत्री बाळासाहेब थोरात, आरोग्य मंत्री राजेश टोपे, उर्जा मंत्री नितीन राऊत यांनी हा मुद्दा बैठकीत उपस्थित केला असला तरी त्यावर काहीच निर्णय झाला नाही.. काही मंत्री, खासदार, आमदारांनी मुख्यमंत्र्यांना या संदर्भात पत्र पाठवून देखील काही उपयोग झाला नाही.. मराठी पत्रकार परिषदेने राज्यभर इ मेल पाठवा आंदोलन केले होते.. एक हजार मेल मुख्यमंत्र्यांना पाठविण्यात आले.. उपयोग होत नाही म्हटल्यावर परिषदेने आत्मक्लेष आंदोलन करून घरी बसून 2000 पत्रकारांनी उपवास केला.. तरीही सरकार ढिम्म आहे.. सरकारच्या मनात पत्रकारांबददल एवढी अढी का असा सवाल एस.एम.देशमुख यांनी उपस्थित केला आहे..
सरकारने पत्रकारांना वारयावर सोडले असले तरी कोरोना पत्रकारांचा पिच्छा सोडायला तयार नाही.. .. आज अक्कलकोट येथील पत्रकार शंकर हिरतोट यांचं कोरोनानं निधन झालं.. त्यामुळे कोरोनानं बळी गेलेल्या पत्रकारांची संख्या 124 झाली आहे..जवळपास 300 पत्रकार राज्यातील विविध रूग्णालयात उपचार घेत आहेत.. त्यांना कोणत्याच चांगल्या सुविधा मिळताना दिसत नाहीत..
सरकार जाणीवपूर्वक पत्रकारांबददल सकारात्मक निर्णय घेत नसेल तर पत्रकारांना ठोस भूमिका घ्यावी लागेल.. काय करायचे याचा निर्णय घेण्यासाठी शनिवारी सकाळी 10 वाजता ऑनलाईन बैठक होत अाहै.. त्यात पुढील निर्णय घेतला जाईल अशी माहिती परिषदेचे अध्यक्ष गजानन नाईक यांनी दिली..

पता है? आखीर माहौल क्यू बदला?

0

पता है? आखीर माहौल क्यू बदला?

अचानक असं काय घडलं की, सगळ्यांनाच पत्रकारांचा पुळका आला? बघा दुपारनंतर आठ – दहा नेत्यांनी पत्रकारांना फ़न्टलाईन वर्कर म्हणून जाहीर करावे अशी मागणी करणारी पत्रं मुख्यमंत्र्यांकडे रवाना केली.. किंवा ट्विट करून तशी मागणी केली.. जी चॅनल्स पत्रकारांच्या प्रश्नांबददल कधी ब़ काढत नव्हती किंवा नसतात ती आज तमाम पत्रकारांचे तारणहार बणून अचानक सरकारला इशारे देऊ लागली.. एेरवी पत्रकारांच्या चळवळींना विरोध करणारे पोपट देखील बोलू लागले.. एका दिवसात सारा माहोल कसा बदलला याचा विचार गेली दोन – तीन तास मी करीत होतो.. थोडं उशीरा उत्तर मिळालं..
उद्याच्या महाराष्ट्र मंत्रिमंडळाच्या बैठकीत पत्रकारांना फ़न्टलाईन वर्कर म्हणून घोषित करण्याचा निर्णय होणार असल्याची पक्की माहितीय.. इतरांना ती दुपारीच कळली आणि मग भराभर पत्रकं निघू लागली.. असं झालंच तर मग ते आपलयामुळंच झालं असा दावा करता यावा यासाठीची ही सारी तरतूद.. त्यामुळे उद्या निर्णय झाला रे झाला की, आम्हीच कसा हा विषय लावून धरला होता हे सांगत चॅनल्स टीआरपी वाढवत राहतील..
उद्याच्या गदारोळात मी, आपण कोठेच नसू कारण श्रेयासाठी आपण काम करीतच नाही.. श्रेय कोणाला घ्यायचंय ते घ्या, आम्हाला मतलब आहे तो सूर्य उगवणयाशी.. तो कोणाचा कोंबडा आरवलयाने उगवणार आहे ते मला महत्वाचे वाटत नाही..
पत्रकार फ़न्टलाईन वर्कर म्हणून जाहीर झाल्यानंतर लस मिळेल, उपचार मिळतील आणि पहिल्या जीआर मध्ये जो 50 लाखांचा उल्लेख आहे, दिवंगत पत्रकारांचे नातेवाईक त्याचे हक्कदार होतील..
एकच.. पुन्हा अधिस्वीकृतीची मेख मारू नये..म्हणजे झालं.. कारण राज्यात केवळ 2500 अधिस्वीकृती धारक पत्रकार आहेत आणि त्यातील बहुतेकांचा बातमी शी थेट संबंध राहिलेला नाही.. जे फिल्डवर काम करतात त्यातील 90 टक्के पत्रकारांकडे अधिस्वीकृती नाही.. म्हणजे अधिस्वीकृतीची मेख मारली तर त्याचा उपयोग होणार नाही.. म्हणूनच मराठी पत्रकार परिषदेची मागणी आहे की, सरसगट सर्व पत्रकारांना हा नियम लागू व्हावा.. पत्रकारांमध्ये फूट पाडण्याचा कोणताही प़यत्न आम्ही सहन करणार नाही .. मराठी पत्रकार परिषद असा कोणताही भेद मानत नाही..

Thanx बाळासाहेब थोरात

0

पत्रकारांना फ्रंटलाईन वर्कर्सचा दर्जा देऊन त्यांचं तातडीने लसीकऱण करण्याची बाळासाहेब थोरातांची मागणी!

या संदर्भात थोरात यांनी मुख्यमंत्र्यांना पत्र दिलं आहे.

सर्व पत्रकार मंडळींना फ्रंटलाईन वर्कर्सचा दर्जा देऊन त्यांचं तातडीने लसीकरण करण्यात यावं अशी मागणी राज्याचे महसूल मंत्री आणि काँग्रेस नेते बाळासाहेब थोरात यांनी मुख्यमंत्र्यांकडे केली आहे. थोरात यांनी यासंदर्भातलं पत्र मुख्यमंत्री उद्धव ठाकरे यांना दिलं आहे.

आपल्या ट्विटमध्ये ते म्हणतात, पत्रकार हे सातत्याने बातमीदारीच्या निमित्ताने घराबाहेर असतात. त्यामुळे त्यांना कोरोना संसर्गाचा धोका जास्त आहे. त्यांच्या कुटुंबीयांनाही याचा धोका आहे. या सर्व पत्रकार मंडळींना फ्रंटलाईन वर्कर दर्जा देऊन त्यांचे तातडीने लसीकरण करण्यात यावे.

तसंच मुख्यमंत्र्यांना दिलेल्या पत्रात थोरात यांनी अन्य काही राज्यांचे दाखलेही दिले आहेत. तामिळनाडू, मध्य प्रदेश, ओडिशा, पश्चिम बंगाल, आंध्रप्रदेश या राज्यांमध्येही याबाबतचा निर्णय घेतला असल्याचा उल्लेख त्यांनी या पत्रात केला आहे.

महाराष्ट्रात पत्रकारांची उपेक्षा

0

महाराष्ट्रात पत्रकारांची हेतुतः उपेक्षा :एस.एम.देशमुख

पश्चिम बंगाल, ओरिसा
मध्य प्रदेशातील पत्रकार झाले
फ्रन्टलाईन वर्कर

पश्चिम बंगालची सत्ता तिसऱ्यांदा मिळवल्यानंतर पहिलीच घोषणा!
सगळे पत्रकारही करोना योद्धा; ममता दीदींनी केलं जाहीर

विधानसभा निवडणुकीत दणदणीत विजय व तिसऱ्यांदा पश्चिम बंगालची सत्ता मिळवल्यानंतर मुख्यमंत्री ममता बॅनर्जी यांनी आज(सोमवार)एक घोषणा केली. या पुढे आता पश्चिम बंगालमधील सगळे पत्रकार देखील करोना योद्धे असणार आहेत.

”मी सर्व पत्रकारांना कोविड योद्धा असं घोषित करते.” असं मुख्यमंत्री ममता बॅनर्जी यांनी माध्यमांसमोर जाहीर केलं आहे. याशिवाय आज मध्य प्रदेश सरकारने देखील सर्व मान्यताप्राप्त पत्रकरांना फ्रंट लाईन वर्कर घोषित करण्याचा निर्णय घेतला आहे. तर, कालच ओडिशाचे मुख्यमंत्री नवीन पटनाईक यांनी देखील, श्रमिक पत्रकारांना फ्रंटलाईन कोविड वॉरियर्स म्हणून घोषित केलं आहे.

महाराष्ट्र सरकारनं मात्र राज्यातील पत्रकारांना वारयावर सोडले आहे. अर्ज, विनंत्या, आंदोलनं आणि आत्मक्लेष करूनही राज्य सरकारवर त्याचा फरक पडत नाही.. राज्य सरकार हेतुतः पत्रकारांची उपेक्षा करीत असल्याचा आरोप एस.एम.देशमुख यांनी केला आहे..

पत्रकारांची अ‍ॅलर्जी का?

0

बिहारमध्ये पत्रकार फ़न्टलाईन वर्कर श्रेणीत :
मध्य प्रदेशात दिवंगत पत्रकारांच्या नातेवाईकांना मिळतात पाच लाख रूपये
महाराष्ट्र सरकारला पत्रकारांची अ‍ॅलर्जी का?

मुंबई :महाराष्ट्र सरकारला पत्रकारांची एवढी अ‍ॅलर्जी का? कळत नाही.. स्वतः मुख्यमंत्री एका दैनिकाचे संपादक राहिलेले आहेत तरीही ते पत्रकारांच्या व्यथाकडं दुर्लक्ष करतात याचं आश्चर्य वाटत.. कारण या सरकारने शंकरराव चव्हाण कल्याण निधीच्या ठेवीत केलेली वाढ सोडली तर पत्रकारांच्या हिताचा एकही निर्णय धेतला नाही..
कोविड 19 काळात पत्रकारांनी आरोग्य विषयक काही मागण्या केल्या आहेत .. पत्रकारांना फ्रन्टलाईन वर्कर म्हणून मान्यता द्यावी ही एक मागणी होती.. असं झालं असतं तर सरकारी कर्मचारयांबरोबर पत्रकारांना लस मिळाली असती.. सरकारने हा निर्णय घेतला नाही.. परिणामतः एकट्या एप़िल महिन्यात 52 पत्रकारांचे बळी गेले.. ते सर्व 35 ते 50 वयोगटातले होते..गेल्या 9 महिन्यात 122 पत्रकार आम्हाला सोडून गेले.. या सर्व पत्रकारांना वेळीच लस दिली असती तर नक्कीच यातील काहींचे प़ाण वाचले असते..
बिहारच्या नितीशकुमार सरकारने आज पत्रकारांना फ्रन्टलाईन वर्कर श्रेणीत घेण्याचा निर्णय घेतला आहे.. त्यामुळे लसीकरणास सर्व सरकारी कर्मचारयांना मिळणारे सर्व ला़भ पत्रकारांना मिळणार आहेत.. अधिस्वीकृती धारक पत्रकार आणि जिल्हा माहिती अधिकरयांनी मान्यता दिली दिलेले पत्रकार आता बिहारमध्ये फ्रन्टलाईन वर्कर आहेत.. नितीश कुमार यांना मनापासून धन्यवाद..
मध्य प्रदेशचे मुख्यमंत्री शिवराज सिंह चौहान यांनाही धन्यवाद यासाठी द्यावे लागतील की, कोरोनानं जे पत्रकार मृत्युमुखी पडले आहेत त्यांच्या कुटुंबियांना प़त्येकी पाच लाख रूपये आर्थिक मदत देण्याचा निर्णय त्यांनी घेतला आहे.. शिवराज सिंह चौहान केवळ घोषणाच करून थांबले नाही तर त्यांनी दिवंगत पत्रकारांच्या कुटुंबियांच्या खात्यावर रक्कम जमा देखील केली आहे… केद़ सरकार देखील दिवंगत पत्रकारांच्या नातेवाईकाना पाच लाख रूपये देत आहे.. महाराष्ट्र सरकारने असाच निर्णय यावा म्हणून एक मे रोजी मराठी पत्रकार परिषदेचे मुख्य विश्‍वस्त एस.एम.देशमुख यांनी आत्मक्लेष आंदोलन केलं.. त्यांना पाठिंबा देण्यासाठी राज्यभर हे आंदोलन झालं.. मात्र अत्यंत सनदशीर मार्गानं पत्रकारांनी केलेल्या या आंदोलनाचा सरकारवर काहीही परिणाम झालेला दिसत नाही.. कारण सरकार पत्रकारांच्या मागण्यांवर विचारच करायला तयार नाही.. पत्रकारांना सरकारने वारयावर सोडले असले तरी त्याची मोठी किंमत सरकारला मोजावी लागेल असा इशारा एस.एम.देशमुख यांनी दिला आहे..
सरकारला विनंती आहे की, आता जास्त अंत न पाहता पत्रकारांच्या मागण्या सरकारने लगेच मंजूर कराव्यात.. अशी मागणी एस.एम.देशमुख यांनी केली आहे..

आज पत्रकारांचे आत्मक्लेष आंदोलन..

0

पत्रकारांचे आज राज्यभर
आत्मक्लेष आंदोलन
आंदोलन यशस्वी करा :किरण नाईक

मुंबई :अर्ज, विनंत्या, आंदोलनं करूनही सरकार पत्रकारांच्या मागण्यांकडे दुर्लक्ष करीत असल्याने कोरोनानं बाधित झालेल्या पत्रकारांचे मृत्यूचे आकडे वाढत आहेत.. सरकारने पत्रकारांना वारयावर सोडण्याची जी भूमिका घेतली आहे त्याचा निषेध करण्यासाठी उद्या शनिवार दिनांक 1 मे रोजी महाराष्ट्रातील पत्रकार आत्मक्लेष आंदोलन करणार आहेत..
मराठी पत्रकार परिषदेने या संदर्भात प़सिध्दीस दिलेल्या पत्रकात म्हटले आहे की, एस.एम.देशमुख हे आपल्या गावात एक दिवसाचे आत्मक्लेष आंदोलन करीत आहेत.. त्यांना पाठिंबा देण्यासाठी राज्यातील पञकार आंदोलनात सहभागी होऊन देशमुख यांच्या भूमिकेस पाठिंबा देणार आहेत..
राज्यात एकट्या एप्रिल मध्ये 50 पत्रकारांचे बळी गेले आहेत. बळींचा एकूण आकडा आता 122 झाला आहे.. या महिन्यात जे पत्रकार मृत्युमुखी पडले ते सारे ३५ ते 50 वयोगटातील होते.. मराठी पत्रकार परिषदेने केलेल्या मागणीनुसार वेळीच सर्वांना लस दिली गेली असती तर यातील अनेकांचे प्राण वाचले असते.. म्हणजे हे सरकारच्या नाकर्तेपणाचे बळी आहेत.. पत्रकारांना योग्य ते उपचार मिळावेत, त्यांच्यासाठी स्वतंत्र बेडची व्यवस्था करावी ही मागणी देखील सरकार पूर्ण करीत नाही.. फ्रन्टलाईन वर्करचा दर्जा दिला जात नसल्याने मुंबईत पत्रकारांना लोकलमधून प्रवास देखील करता येत नाही.. मृत पत्रकारांच्या नातेवाईकांना केंद्र सरकार पाच लाख रूपये देते, अन्य राज्यांनी ही अशी मदत सुरू केली आहे मात्र वारंवार पाठपुरावा करूनही राज्य सरकारने त्याकडे दुर्लक्ष केल्याने अनेक संसार रस्त्यावर आले आहेत..
वारंवार मागण्या करूनही सरकार त्याकडे दुर्लक्ष करीत असल्याने आत्मक्लेष करून घेण्याची वेळ पत्रकारांवर आली आहे.. शनिवारी सकाळी 8 ते सायंकाळी 6 पर्यत हे आंदोलन चालणार आहे.. पत्रकार घरात बसूनच अन्नत्याग करीत आपला तीव़ संताप व्यक्त करतील.. प्रत्येक तालुका आणि जिल्हयातील एकदोन पत्रकार संबंधित अधिकारी तसेच झेंडावंदनासाठी येणारया मंत्र्यांना निवेदन देतील.. सर्वांनी लॉकडाऊनचे नियम पाळत आणि स्वतःची योगय ती काळजी घेत हे आंदोलन यशस्वी करावे असे आवाहन मराठी पत्रकार परिषदेचे विश्‍वस्त किरण नाईक, अध्यक्ष गजानन नाईक, कार्याध्यक्ष शरद पाबळे, सरचिटणीस संजीव जोशी, कोषाध्यक्ष विजय जोशी, महिला संघटक जान्हवी पाटील, राज्य प़सिध्दी प्रमुख अनिल महाजन, सोशल मिडिया सेलचे प्रमुख बापुसाहेब गोरे, तसेच सर्व उपाध्यक्ष, विभागीय सचिवांनी केले आहे..

एप्रिल ठरला पत्रकारांसाठी “जीवघेणा”

0

एप्रिल महिन्यात महाराष्ट्रात 4 9 पत्रकारांचा कोरोनाने मृत्यू :
एकूण मृत पत्रकारांची संख्या 121*

मुंबई दि. 30 :कोरोनाच्या दुसरया लाटेचा सर्वाधिक तडाखा राज्यातील पत्रकारांना बसला असून एकट्या एप़िल महिन्यात राज्यातील तब्बल 49 पत्रकारांचे कोरोनानं बळी घेतले आहेत.. ऑगस्ट 2020 पासून आजपर्यंत कोरोनानं मृत्युमुखी पडलेल्या पत्रकारांची संख्या आता 121 वर पोहोचली आहे असल्याची माहिती मराठी पत्रकार परिषदेचे मुख्य विश्‍वस्त एस.एम.देशमुख यांनी एका पत्रकाव्दारे दिली आहे..
कोरोनानं राज्यात हाहाकार माजवला आहे.. ऑक्सिजन आणि व्हेटिलेटरचा तुटवडा, ढेपाळलेली सरकारी यंत्रणा आणि क़ुर पक्षीय राजकारणाचा फटका कोरोना रूग्णांना बसतो आहे.. कोरोना रूग्णांची किती ससेहोलपट सुरू आहे आणि कशी लूट केली जात आहे याचा पुरावा म्हणून सोलापुरच्या पत्रकाराची व्हायरल क्लीप बघता येईल.. व्यवस्थित उपचार मिळत नसल्याने पत्रकारांच्या मृत्यूचं प्रमाण वाढलं असल्याचा आरोप एस.एम.देशमुख यांनी केला आहे.
.. मार्च महिन्यात 18 पत्रकारांचे मृत्यू झाले होते.. मात्र एप्रिलमध्ये हा आकडा तिपप्टीने वाढून 49 वर पोहोचला आहे.. त्यामुळे मार्च आणि एप़िलमधील मृत पत्रकारांची संख्या 67वर पोहोचली आहे.. एप़िलमध्ये सरासरी दोन दिवसाला तीन पत्रकार मृत्युमुखी पडले आहेत.. राज्यातील कोरोना बाधित पत्रकारांची संख्या 5000पेक्षा जास्त असून किमान 200 पत्रकार राज्यातील विविध रूग्णालयात सध्या उपचार घेत आहेत.. होम कॉरंनटीइन असलेल्या पत्रकारांची संख्या देखील मोठी आहे..
महाराष्ट्र सरकारने पत्रकारांकडे दुर्लक्ष केले आहे.. उपचाराची कोणतीही काळजी घेतली जात नाही, दिवंगत पत्रकारांच्या नातेवाईकांना मदत दिली जात नाही.. मध्य प़देश सरकारने दिवंगत पत्रकारांच्या कुटुंबियांच्या खात्यावर पाच लाख रूपयांची रक्कम जमा करायला सुरूवात केली आहे.. महाराष्ट्रात मात्र वारंवार मागणी करूनही सरकार त्याकडे दुर्लक्ष करीत आहे.. सरकारच्या याभूमिकेमुळे माध्यमातील सर्वजण हतबल झाले असल्याने एस.एम.देशमुख 1 मे रोजी आत्मक्लेष आंदोलन करीत आहेत.. त्यांना पाठिंबा देण्यासाठी राज्याच्या विविध भागातील पत्रकार देखील आत्मक्लेष आंदोलन करणार आहेत.. सध्या सर्वत्र लॉकडाऊन असल्याने कोणालाही बाहेर पडता येणार नाही.. घरात बसूनच सारे पत्रकार दिवसभर अन्नत्याग करतील.. एस.एम.देशमुख बीड जिल्हयातील देवडी या गावी माणिकबाग या आपल्या farm वर हे आंदोलन करणार आहेत…

POPULAR POSTS

error: Content is protected !!