माध्यमांना दिलेल्या शिव्या आणि धमक्यांचे परिणाम अरविंद केजरीवाल आणि त्यांच्या टीमला भोगावे लागू लागले आहेत.केजरीवाल यांच्या बंगलोर दौऱ्यांबाबतची एक गोष्ट आता समोर आली आहे.केजरीवाल यांची सभा लाईव्ह दाखविण्याचे बहुतेक चॅनेलने टाळले आहे.एबीपी न्यूज आणि हेडलाईन टु डे हे दोन चॅनल सोडले तर केजरीवाल यांना लाइव्ह कोणीही दाखविले नाही.वस्तुतः सर्वच चॅनेलच कॅमेरे कार्यक्रम स्थळी हजर होते.नंतर केजरीवाल याच्या बातम्या दाखविल्या गेल्या असल्यातरी त्यांना लाइव्ह दाखवायचे टाळले आहे.

केजरीवाल यांचा कार्यक्रम सुरू असताना न्यूज-24 वर क्रिकेट,आयबीएन-7 वर होळीचा कार्यक्रम,एनडीटीव्हीवर-टी20 मॅच,इंडिया टीव्हीवर कॉमेडी वीथ कपिल,आजतकवर राहूल गांधी,झीवर होळी,टाइम्स नाऊवर विकेन्ड न्यूज,एनडीटीव्हीवर कॉमेडी शो,सीएनएन -आबीएनवर विविध कार्यक्रम दाखविले जात होते.केजरीवाल यांनी बेगलोरमध्ये वारानसीतून निवडणूक लढविण्याचे सूचित केले तरी तरी त्याला फारशी प्रसिध्दी मिळाली नाही.त्यामुळे केजरीवाल कधी आले आणि गेले हे बंगलोरकरांना कळलेही नाही.
बातमी देणे हे वृत्तपत्रे किवा वाहिन्याचे काम आहे.बातमी ब्लॅक आऊट कऱणे ही आपल्या व्यवसायाशी केली जाणारी प्रतारणा आहे हे जरी खरे असले तरी जेव्हा एखादी व्यक्ती माध्यमांचा आवाज बंद कऱण्याचाच विचार मांडते,माध्यमांना धमक्या देते किंवा कोणी माध्यमांवर हल्ले करीत असतील तर अशा व्यक्तींच्य बातम्या ब्लॅक आऊट कऱणे ही प्रतारणा नाही.पत्रकारांना कोणतेही कायदेशीर संरक्षण नसताना बातम्यांवर बहिष्कार टाकण्याशिवाय पत्रकारांच्या हाती काहीच नसते.

आपल्या शहरात,जिल्हयात ,आसपास पत्रकारितेशी निगडीत अनेक बातम्या घडत असतात.पत्रकारांवर हल्ले होतात,पत्रकारांना धमक्या दिल्या जातात,पत्रकारांना पुरस्कार मिलतात,पत्रकारांचे सन्मान होतात .पत्रकार संघटनांचेही विविध कार्यक्रम होतात.या सर्व बातम्या आपण आमच्याक डे पाठवा त्याला उद्याचा बातमीदार या ऑनलाईन पेपरमधून प्रसिध्दी दिली जाईल.बातमीदारला दररोज शेक़डो पत्रकार,अधिकारी,नागरिक भेट देत असल्याने आपला आवाज म्हणा,आपले गाऱ्हाणे म्हणा योग्य त्या व्यक्तीपर्यत नक्की पोहोचेल.
पत्रकारांच्या चळवळीचे व्यासपीठ असलेल्या बातमीदाच्या चळवळीत आपणही आपला सहभाग नोंदवा.
आपण एकच करायचं आहे. मेनू मधील संपर्क मध्ये जा .त्यातील तुम्हीही पाठवा बातमी या ऑप्शनवर क्लीक करा .तेथे आपले नाव,इ-मेल,आता विषय नोंदवायचा आणि युवर मेसेजमध्ये आपली बातमी पेस्ट करा आणि सेन्डच्या ऑप्शनवर क्लीक करा.आपली बातमी आमच्यापर्यत पोहचेल.

[divider]

उद्याचा बातमीदार—- आपली बातमी, आपला आवाज

———————————————————
मुंबईतील अंधेरी भागात एका वाहिनीच्या महिला पत्रकाराच्या विनयभंगाची घटना तसेच तिच्या बरोबरच्या छायाचित्रकारास झालेल्या मारहाणीचा पत्रकार हल्ला विरोधी कृती समिती तीव्र शब्दात निषेध करीत असून आरोपीवर कठोर कारवाई करण्याची मागणी करीत आहे.

समितीचे निमंत्रक एस.एम.देशमुख यांनी प्रसिध्दीस दिलेल्या पत्रकार म्हटले आहे की, अगोदर एका महिला पत्रकारावर झालेला सामुहिक अत्याचार,त्यानंतर एका हॉटेलात मुंबईतील एका सायंदैनिकाच्या चार महिला पत्रकारांशी केली गेलेली असभ्य वागणूक आणि चार दिवसांपूर्वीच बंगलोरमध्ये एका मंत्र्याने महिला पत्रकारास विवस्त्र कऱण्याचा केलेला प्रयत्न या साऱ्या घटना संतापजनक आणि पत्रकारिता करणे केवळ पुरूषांसाठीच नव्हे तर स्त्रियांसाठीही किती कठिण होत चालले आहे याचा प्रत्यय आणून देणाऱ्या आहेत. त्यामुळे महाराष्ट्र सरकारने आता तरी जास्त अंत न बघता महाराष्ट्रात पत्रकार संरक्षण कायदा केला पाहिजे .
अंधेरीतील ताज्या घटनेतील पाच आरोपींना अटक करण्यात आली असली तरी आणखी काही आरोपी फरार आहेत.त्यांनाही तातडीने अटक झाली पाहिजे अशी मागणी करतानाच गृहमॅंत्र्यांनी या प्रकरणात लक्ष घालून अशा प्रकारांची पुनरावृत्ती होणार नाही याची काळजी घेतली पाहिजे अशी मागणीही एस.एम.देशमुख यांनी केली आङे.