गृहमंत्री सुशीलकुमार शिंदे यांनी इलेक्ट्रॉनिक मिडियाला चिरडून टाकण्याची तालिबानी भाषा वापरली आहे.त्याचा पत्रकार हल्ला विरोधी कृती समितीने कालच तीव्र शब्दात निषेध केला आहे.त्यांनी आज आपल्या वक्तव्याब्दल सावरासारव केली असली तरी त्याच्या वक्तव्याच्या क्लीप वाहिन्यांवरून दाखविल्या जात असल्याने सुशीलकुमार शिंदे खोटे बोलत आहेत हे समोर येत आहे.त्यांच्या वक्तव्याच्या प्रतिक्रिया आता महाराष्ट्रात सर्वत्र उमटायला सुरूवात झाली आहे.ठिकठिकाणी पत्रकार हल्ला विरोधी कृती समितीच्यावतीने निदर्शने केली जात आहेत.सुशीलकुमार यांनी माध्यमांची माफी मागावी अशी मागणी पत्रकार हल्ला विरोधी कृती समितीने केली आहे.

नगरमध्ये निदर्शने 

 गृहमंत्री सुशीलकुमार शिंदे यांनी इले. मिडियाबद्दल केलेल्या आक्षेपार्ह वक्तव्याचा नगरमध्ये निषेध करण्यात आला. पत्रकार हल्लाविरोधी कृती समितीतर्फे मंगळवारी सकाळी जिल्हाधिकारी कार्यालयासमोर निदर्शने करण्यात आली. कृती समितीचे जिल्हा निमंत्रख मन्सूर शेख यांच्या नेतृत्वाखाली हे आंदोलन करण्यात आले. त्यानंतर जिल्हाधिकारी यांना निवेदन देण्यात आले. शहरातील पत्रकार, इले. मडिया तसेच फोटोग्राफर संघटनेचे प्रतिनिधीही यामध्ये सहभागी झाले होते.

 सातारा येथे पत्रकार रस्त्यावर 

केंद्रीय गृहमंत्री सुशिलकुमार शिंदे यांनी सोलापूर येथे झालेल्या युवक कॉंग्रेस कार्यकर्त्यांच्या मेळाव्यात इलेक्ट्रॉनिक मिडियाबाबत केलेल्या वक्तव्यांचा सातारा येथील इलेक्ट्रॉनिक मिडिया असोसिएशनने तीव्र निषेध केला आहे. याबाबतचे निवेदन ईमासच्यावतीने जिल्हाधिकारी डॉ. रामास्वामी एन. यांना देण्यात आले. सोलापूर येथील युवक कॉंग्रेसच्या मेळाव्यात सुशिलकुमार शिंदे यांनी इलेक्ट्रॉनिक मिडियाला ठेचून काढण्याची भाषा केली होती. त्याचे तीव्र पडसाद संपूर्ण देशभरात उमटत आहेत. सातारा येथील कॉंग्रेस भवनासमोर इमासच्यावतीने तीव्र निदर्शने करण्यात आली. इमासने शिंदे यांचा निषेध करुन याबाबत त्यांनी माफी मागावी, अशी मागणी केली आहे. यावेळी ईमासचे अध्यक्ष सुजित आंबेकर, तुषार भद्रे, उपाध्यक्ष ओंकार कदम, शरद काटकर, राहुल पवार, सचिन जाधव, प्रतिक भद्रे, तुषार तपासे, राम पवार, सनी शिंदे, महेश पवार, तुषार जाधव आदी पदाधिकारी उपस्थित होते.

मराठी पत्रकार परिषदेच्या इतिहासातील पहिलाच उपक्रम

मराठी पत्रकार परिषदेशी संलग्न असलेल्या तालुका अध्यक्षांचा एक मेळावा नगर येथे 23 मार्च रोजी घेण्यात येणार आहे.परिषदेच्या 75 वर्षांचा इतिहासात तालुका अध्यक्षांना विश्वासात घेऊन त्यांच्याशी संवाद साधण्याची ही पहिलीच वेळ असल्याने निवडणुकांच्या धामधुमीत देखील राज्यातील 250च्या वर तालुका अध्यक्ष या मेळाव्यास उपस्थित राहतील असा विश्वास मराठी पत्रकार परिषदेचे अध्यक्ष किरण नाईक आणि माजी अध्यक्ष तथा पत्रकार हल्ला विरोधी कृती समितीचे निमंत्रक एस.एम,देशमुख यांनी काल नाशिक येथील जिल्हा पत्रकार संघाच्यावतीने आयोजित पत्रकार मेळाव्यात बोलताना व्यक्त केला.

नाशिक जिल्हा मराठी पत्रकार संघाच्यावतीनं रविवारी जिल्हयातील पत्रकारांचा मेळावा आय़ोजित करण्यात आला होता.यावेळी परिषदेचे अध्यक्ष किरण नाईक,कार्याध्यक्ष चंद्रशेखऱ बेहेरे,सरचिटणीस संतोष पवार,उपाध्यक्ष सुभाष भारव्दाज ,परिषदेचे संपर्क प्रमुख श्रीराम कुमेठेकर यांचा सत्कार करण्यात आला.कार्यक्रमास ज्येष्ठ पत्रकार सुरेश भटेवरा,विजय बाबर,पत्रकार संघाचे ्‌अध्यक्ष य़शवंत पवार,पुणे जिल्हा पत्रकार संघाचे कार्याध्यक्ष बापूसाहेब गोरे,उपाध्यक्ष सुनील वाळूंज,कळवण तालुका पत्रकार संघाचे अध्यक्ष देवरे तसेच जिल्हयातील चारशेवर पत्रकार उपस्थित होते.
मराठी पत्रकार परिषदेचे काम प्रामुख्याने ग्रामीण भागात आहे आणि राज्यातील सर्वच्या सर्व तालुके म्हणजे 358 तालुक्यात परिषदेच्या शाखा आहेत. मात्र आतापर्यत तालुका पत्रकार संघाचा थेट संपर्क परिषदेशी येत नव्हता.यापुढे प्रत्येक तालुके थेट परिषदेशी जोडण्याची परिषदेची योजना आहे.तालुका स्थरावरील पत्रकारांना अनेक प्रश्नांशी झगडावे लागते.तालुका स्तरावरच पत्रकारांवर जास्तीत जास्त हल्ले होत असतात.शिवाय ते संघटीत नसल्याने तसेच ते ज्या दैनिकाचे काम करतात ती दैनिकंही अनेक प्रकरणात संबंधीत वार्ताहरांच्या पाठिशी उभी राहत नसल्याने हे पत्रकार एकाकी पडतात.अनेकदा ते नैराश्येच्या गर्देत जातात आणि त्यातून अनेक जण पत्रकारितेतूनही बाद होतात.अशा पत्रकारांच्या पाठिशी परिषदेने खंबीरपणे उभे राहण्याची आश्वासक भूमिका घेतली.त्यामुळे या मेळाव्यास जास्तीत जास्त तालुका अध्यक्षांनी उपस्थित राहावे असे आवाहन मराठी पत्रकार परिषदेने केले आहे.
अधिक माहितीसाठी पत्रकारांनी एस.एम.देशमुख 9423377700 किंवा किरण नाईक 9820784547 या क ्रमंाकावर सपर्क साधावा असे आवाहनही परिषदचे कार्याध्यक्ष चंद्रशेखर बेहेर .सरचिटणीस संतोष पवार,उपाध्यक्ष सुभाष भारव्दाज कोषाध्यक्ष सिध्दार्थ शर्मा यांनी केले आहे.

सकाळने आज एक चांगली बातमी दिली आहे.काल व्हिसल ब्लोअर्स विधेयक संसदेत मंजूर झाले आहे.त्यातील तरतुदींची माहिती अद्याप हाती आलेली नसली तरी आज सकाळने दिलेल्या बातमीन्वये या विधेयकात पत्रकारांनाही सरक्षण देण्यात आले आहे.सकाळच्या बातमीत म्हटले आहे, तक्रारकर्त्या कार्यकर्त्यांसह पत्रकारांवर हल्ले करणाऱ्यांना तीन वर्षे कारावास आणि पन्नास हजार रूपये शिक्षेची तरतूद विधेयकात आहे.पत्रकारांना केंद्राच्या कायद्यान्वये संरक्षण मिळणार आहे.या कायद्यातील तरतुदींचा आता जास्तीत जास्त प्रचार व्हायला हवा.भ्रष्टाचार विरोधात काम करणाऱ्या कार्यकर्त्यांच्या सततच्या पाठपुराव्यामुळे हा कायदा होत आहे.पत्रकार हल्ला विरोधी कृती समितीनेही कें र्दीय कायदा मंत्र्यांकडे याचा पाठपुरावा केला होता.आता महाराष्ट्रात सरकारने पत्रकारांना संरक्षण देणारा कायदा करावा अशी आपली मागणी कायम आहे.

घटना आहे सोमवारची.मुंबईच्या परल भागातील हॉटेल अदितीमध्ये मुंबईतील इंग्रजी दैनिक मिड-डे च्या चार महिला आणि एक पुरूष पत्रकार लंचसाठी गेले होते.पत्रकारांना जागा करण्यासाठी बाजुचा टेबल किंचित सरकवा अशी विनंती वेटरने शेजाऱच्या टेबलवर बसलेल्या पाच -सहा लोाकांना केली.त्यामुळे ते चिडले.त्यांनी वेटरला आणि महिला पत्रकारांना शिविगाळ सुरूकेली.तमाशा नको म्हणून सर्व पत्रकार गप्प होते.त्यानंतरही एक व्यक्ती उठली आणि त्यांनी पत्रकारांच्या टेबलवर जाऊन तुम्हाला या शहरात जगणे दुश्वर करून टाकील अशी धमकी दिली.यानंतर पुरूष पत्रकाराने त्यांना रोखण्याचा प्रयत्न केला तर पोरींबरोबर आहेस म्हणून जास्त हिरो गिरी करू नकोस असे म्हणात त्यालाही धमकी दिली गेली.हॉटेलात नेटवर्क नसल्याने  पत्रकारांना पोलिसांना बोलावता आले नाही पण नंतर त्यांनी पोलिसात तक्रार दाखल केली.त्यानंतर आरोपींनी सरेंडर केले.पण जेव्हा आरोपींना जमानतीवर सोडण्यात आले तेव्हा पोलिस इन्स्पेक्टर त्याना दरवाजापर्यत सोडायला आला.शेकहॅन्डही केला.ही बाब राकेश मारिया यांच्या कानावर घातल्यानंतर संबंधीत पोलिस अधिकाऱ्यावर कारवाई कऱण्याचे आश्वासन त्यांनी दिले आहे.