-बीडमध्ये पत्रकार करणार ऑनलाईन मतदान

पारदर्शक कारभाराचा आग्रह सारेच धरतात पण प्रत्यक्षात परिस्थिती वेगळीच असते.मराठी पत्रकार परिषद या पत्रकारांच्या 77 वर्षे जुन्या संघटनेनं मात्र कसलाही गाजावाजा न करता पारदर्शक कारभाराच्या दिशेने पाऊले टाकली आहेत.त्याचाच एक भाग म्हणून निवडणूक व्यवस्थेत दुरूस्ती करून परिषदेशी संलग्न जिल्हा संघांच्या आणि परिषदेच्या जिल्हास्तरीय शाखांच्या निवडणुका ऑनलाईन घेण्याचा निर्णय घेतला गेला आहे.त्यानुसार देशात प्रथमच पत्रकार संघटनेची ऑनलाईन निवडणूक बीड जिल्हयात घेतली जात आहे.मराठी पत्रकार परिषद बीड,या परिषदेच्या शाखेची निवडणूक प्रक्रिया सुरू झाली असून मतदार यादीही प्रसिध्द झाली आहे.गरज पडल्यास 11 तारखेला मतदान घेतले जाणार असून ते ऑनलाईन पध्दतीनं घरी बसल्या बसल्या आपल्या आवडत्या उमेदवारास पत्रकार मतदान करू शकतील.बीड जिल्हयातील 400 सदस्य अशा पध्दतीनं प्रथमच आपला मतदानाचा हक्क बजावत असल्यानं तिकडं कमालीची उत्सुकता आहे.निवडणुकांचा कार्यक्रम जाहीर झाला असून तो खालील प्रमाणे आहे.

महाराष्ट्रातील पत्रकारांची आद्य संघटना *मराठी पत्रकार परिषद* राज्यात संघटनात्मक पदाधिकाऱ्यांची निवडणूक प्रथमच *online*(मोबाईल द्वारे)घेत असून या निवडणूक पद्धतीचे राज्यातील सर्व स्तरातून कौतुकही झाले.अशा पद्धतीने निवडणूक घेणारी राज्यातील पहिली संघटना ठरली.