रायगड जिल्हयातील उरणच्या खाडी किनारी येणाऱ्या फ्लेमिंगो,पेंटेड स्ट्रोक,सारस या पाहुण्या पक्षाची होणारी शिकार थांबविण्यासाठी आता वनविभागाने विशेष मोहिम हाती घेतली असून काल सकाळीच वनपरिक्षेत्र अधिकारी मराडे यांनी उरण भाागातील खाडी किनाऱ्यांची पाहणी केली.या पाहणीत विविध पक्ष्यांची शिकार करून इतस्ततः फेकलेले अवशेष मोठ्या प्रमाणात आढळून आले.हे सारे अवशेष वनविभागाने ताब्यात घेतले असून ते तपासणीसाठी पाठविण्यात आले आहेत.हे प्रकऱण गांभीर्याने घेत वनविभागाने अज्ञातांविरोधात दुर्मिळ पक्ष्यांची कत्तल केल्या प्रकऱणी पोलिसात तक्रार नोंदविली आहे.हा गुन्हा सिध्द झाला तर भारतीय वन्य जीव संरक्षण कायदा 1972 नुसार आरोपीला सात वर्षांची शिक्षा होऊ शकते.
