अलिबागनजिकच्या समुद्रात तिघांचा बुडून अंत  

कोपरखैरणे येथील तेरा जण काल रात्री एका मिनिडोअरमधून नागावला आले.रात्री समुद्र खवळलेला असताना आणि स्थानिकांच्या विरोधाला न जुमानता यातील काही तरूण समुद्रात उतरले आणि त्यातील तिघेजण बघता बघता पाण्यात बेपत्ता झाले.चैतन्य किरण सुळे,आशिष मिश्रा आणि सुहाद सिद्दगी अशी या तरूणांची नावे असून हे तिघेही वीस ते चोवीस या वयोगटातील आहेत.आशिष आणि सुहादचा मृतदेह मिळाला असून चैतन्यच्या मृतदेङाचा शोध घेतला जात असल्याचे अलिबागचे पोलीस निरीक्षक सुरेश वराडे यांनी सांगितले..