माथेरान – अद्ययावत तारांगण उभे रहातेय

खगोल अभ्यासकांसाठी पर्वणी ठरणार

मुलभूत नागरी सुविधा पुरविणे हे नगर परिषदेचे मुख्य काम पण जर माथेरान सारखी पर्यटन नगर परिषद असेल तर निच्छितच नागरिक आणी पर्यटकांच्या अपेक्षा वाढतात . गेल्या साडेतीन वर्षात कम्युनिटी सेंटर , तबेला , प्राथमिक शाळेची इमारत, कोतवाल रोड आणी रिगल नाका येथील रस्ते , प्रेक्षणीय स्थळांकडे जाणार्या रस्त्यांची दुरुस्ती , स्मशान भूमीचे सुशोभीकरण , डीझेल शव दाहीनीची उभारणी अशी अनेक कामे पूर्णत्वास जात आहेत . अजूनही खूप कामे बाकी आहेत . मात्र आज अवकाश निरीक्षण केंद्राचे काम पहिले आणी समाधान वाटले . कोणतेही काम करताना करणार्यांना समाधान वाटणे आवश्यक आहे . खगोल शास्त्राचे गाढे अभ्यासक अशी सोमण साहेबांची ओळख आहे . तत्कालीन जिल्हाधिकारी जावळे साहेब यांचे सहकार्य आणी सोमण साहेबांच्या मार्गदर्शनाखाली हे अवकाश निरीक्षण केंद्र उभे रहात आहे . जवळपास सर्व काम पूर्ण झाले आहे . मात्र कोणतेही काम अपूर्ण राहू नये याची काळजी घेतली जात आहे . जनरेटर , स्वच्छता गृह , संरक्षक कठडे अशी कामे बाकी आहेत . रात्री आकाश दर्शनासाठी दुर्बिणीसाठी डोम बनविण्याचे काम राजस्थान मध्ये सुरु आहे . आक्टोबर १५ पर्यंत डोम आणी अन्य कामे पूर्ण होतील . या अवकाश निरीक्षण केंद्राचे पुढील व्यवस्थापना बाबतचा निर्णय नगर परिषदेच्या सर्वसाधारण सभेत घेतला जाईल आणी एक वैशिष्ट्य पुंर्ण उपक्रम पर्यटकांसाठी खुला होईल . माथेरानच्या पेमास्तर पार्क येथे हे अद्ययावत अवकाश निरीक्षण केंद्र उभे राहत आहे . येथे ग्रह तारे यांची माहिती देणारे एक प्रदर्शन कायम स्वरूपी असेल , तसेच एकाच वेळी पन्नास जणांना रात्री आकाश निरीक्षण करता येईल अशी व्यवस्था असेल . याशिवाय ३५ जन बसू शकतील असे वातानुकुलीत अद्ययावत थ्री डी थीएटर उभारण्यात आले आहे . या ठिकाणी पर्यटकांना सशुल्क अवकाशाची आणी ग्रहताऱ्यांची माहिती देणारे शॉर्ट फिल्म दाखविल्या जातील . पर्यटकांसाठी हा अत्यंत नाविन्यपूर्ण उपक्रम ठरणार असून या मुळे माथेरानच्या शिरपेचात मानाचा तुरा खोवला जाणार आहे. हे काम करणारे श्री . संसारे आणी नगरपरिषदेच कनिष्ठ अभियंता देवेद्र मोरखंडीकर यांचे देखील मनापासून अभिनंदन .