Monday, May 17, 2021

खरे बाळशास्त्री जांभेकर कोणते ?

र्पण दिनाच्या निमित्तानं आद्य मराटी पत्रकार बाळशास्त्री गंघाधरशास्त्री जांभेकर यांचे वेगवेगळे चार-पाच फोटो व्हॉटसअ‍ॅप आणि फेसबुकवरून फिरत असतात.त्यामुळं खरे बाळशास्त्री जांभेकर कोणते ? हा प्रश्‍न सर्वांनाच पडतो.अनेक वेळा सरकार जे छायाचित्र वापरते ते देखील तद्दन चुकीचे आणि तर्कहिन असते.त्या संदर्भात मराठी पत्रकार परिषदेने 1999 मघ्येच सरकार जो फोटो वापरते तो बंद करावा अशी मागणी केली होती.त्यानंतरही त्याचा पाठपुरावा केला होता.पण काही उध्दटरावांमुळे हा बदल होताना दिसत नाही.सरकार जो फोटो वापरते किंवा अन्य जे चार-पाच फोटो समाजमाध्यमातून फिरतात ते खरे बाळशास्त्री नाहीतच.याचं कारण आहे..बाळशास्त्री जांभेकर यांचा जन्म  फेब्रुवारी 1812 रोजीचा..प्राथमिक शिक्षण पोभुर्ल्यातच झाल्यानंतर ते वयाच्या बाराव्या वर्षी मुंबईत आले.त्यानंतर खऱ्या अर्थान त्यांची कारकीर्द ं सुरू झाली. वयाच्या अवघ्या वीसाव्या वर्षी 6 जानेवारी 1832 रोजी त्यांनी मराठीतील पहिले वृत्तपत्र दर्पण सुरू केलं.त्यामुळं आपल्याला त्यांची ओळख आद्य पत्रकार म्हणून असली तरी ते प्रकांड पंडित होते. तेरा देशी विदेशी भाषांचं ज्ञान असलेले भाषाप्रभू होते.शिक्षण तज्ज्ञ होते.स्त्री शिक्षणाचे अग्रदूत होते.समाजसुधारक म्हणूनही त्यांचा नावलौकीक होता.त्याकाळातील एक विद्वान म्हणून ते ओळखले जात.त्यांच्या  या विद्‌त्वत्ततेचे तेज त्याच्या चेहऱ्यावर विलसत असे.सरकार जे ़छाया चित्र अधिकृत म्हणून वापरते त्या चित्रात बाळशास्त्रींच्या विद्वत्ततेचं तेज चित्रकाराला चित्रात दाखविता आलेलं नाही.ते थकलेले,कृश झालेले,चिंताक्रांत दिसतात. वस्तुस्थिती तशी नव्हती. बाळशास्त्रींची घरची गरिबी जरूर होती पण त्यांच्या चेहऱ्यावरचं  बुध्दीचं तेज लपत नव्हतं.बाळशास्त्री अल्पायुषी ठरले.वयाच्या 34 व्या वर्षी म्हणजे 1846 च्या सुमारास त्याचं निधन झालं.सरकार जे चित्र वापरते त्यात बाळशास्त्री साठ वर्षांचे वृध्द वाटतात.सरकार आपल्या माथी चुकीचे बाळशास्त्री मारताहेत असं मराठी पत्रकार परिषदेच्या निदर्शनास आल्यानंतर बाळशास्त्रींच्या चरित्राचा अभ्यास करून छायाचित्रकार मुकुंद बहुलेकर यांनी बाळशास्त्रींच्या चरित्राशी सुसंगत वाटावे अशे  छायाचित्र काढले.1999 मध्ये पुण्यात बालगंधर्वमध्य झालेल्या मराठी पत्रकार परिषदेच्या एका कार्यक्रमात शिवसेनाप्रमुख बाळासाहेब ठाकरे यांच्या हस्ते  या छायाचित्राचं अनावरण केलं गेलं.बाळासाहेबांनी छायाचित्र पाहून “हेच खरे,बाळशास्त्री” अशी उत्स्फुर्त प्रतिक्रिया व्यक्त केली होती.जाहीरपणे त्यांनी छायाचित्राचं कौतुक केलं, सत्कार केला . बाळासाहेबांसारखा एका विख्यात व्यंगचित्रकार,छायाचित्रकाराने दिलेली ही पावती लाखमोलाची होती.आहे .

बाळासाहेबांनी मान्यतेची मोहर उठविल्यानंतर मराठी पत्रकार परिषदेच्यावतीनं  सरकारकडं एक निवेदन देण्यात आलंं.”सरकार जे छायाचित्र वापरत आहे ते चुकीचं आहे,त्याला कोणताही आधार नाही आणि बाळशास्त्रींच्या व्यक्तिमत्वाशी  ते सुसंगतही नाही” ही गोष्ट सरकारच्या निदर्शनास आणून दिली गेली.बाळशास्त्रींेचे छायाचित्र स्वीकारताना सरकारनं कुणाशी चर्चा केल्याचं किंवा जाणकाराकडून ते चित्र तपासून घेतल्याचं ऐकिवात नाही.बाळशास्त्रींचे मुळचे छायाचित्र कोठेच उपलब्ध नाही.जी छायाचित्रं आहेत ती कल्पनेतून काढलेली आहेत.कल्पनेतून काढलेली ही चित्रं बाळशास्त्रींच्या व्यक्तिमत्वाच्या जवळ जाणारी देखील नाहीत.कोणी तरी छायाचित्र आणून दिलं,ते स्वीकारावं म्हणून दबाब आणला गेला आणि  माहिती आणि जनसंपर्क विभागातल्या अधिकाऱ्यांनीही कोणतीही शहानिशा न करताच ते स्वीकारलं. एवढा सहज घडलेला हा मामला आहे.सरकार आज आपल्या जाहिरातीतून किंवा अन्य ठिकाणी बाळशास्त्रीचे तेच छायाचित्र अधिकृत  म्हणून वापरते.ते चुकीचे आणि अत्यंत आक्षेपार्ह आहे.

जोपर्यत छायाचित्राबद्दल कोणाची तक्रार किंवा आक्षेप नव्हता तोपर्यत ते ठीक होतं.मात्र मराठी पत्रकार परिषदेनं तक्रार नोंदविल्यानंतर तरी सरकारनं दोन्ही बाजू समजून घेऊन,तज्ज्ञांशी चर्चा करून  योग्य तो निर्णय घेणं अपेक्षित होतं.परंतू सरकारनं त्याकडं अक्षम्य दुर्लक्ष केलं आणि आक्षेप घेतल्यानंतरही जुनेच आणि अत्यंत चुकीचे छायाचित्र वापरणं सुरूच ठेवलं.या संदर्भात आता नव्यानं मराठी पत्रकार परिषद मुख्यमंत्र्यांकडं निवेदन देणार असून सरकारनं योग्य ते छायाचित्रच वापरावे असा आग्रह धरणार आहे.नवाकाळच्या संपादिका जयश्री खाडिलकर यांनीही याबाबत पाठपुरावा कऱण्याचं मान्य केलं आहे.”आम्ही म्हणतो तेच छायाचित्र खरे असा आमचा आग्रह नाही.मराठी पत्रकार परिषद जे छायाचित्र वापरते ते देखील कल्पनेतूनच रेखाटले गेलेले आहे.मात्र ते बाळशास्त्रींच्या व्यक्तिमत्वाच्या अधिक जवळ जाणारे असल्यानं तेच छायाचित्र योग्य आहे असा आमचा आग्रह आहे”.तरीही सरकारनं सर्व संबंधितांशी चर्चा करून येत्या 6 जानेवारी पुर्वी हा वाद संपवावा आणि संपूर्ण महाराष्ट्रात बाळशास्त्री जांभेकर यांचं एकच छायाचित्र वापरले जाईल आणि ते अधिकृत असेल अशी व्यवस्था करावी अशी आमची मागणी आहे.

राज्यातील तमाम पत्रकार आणि पत्रकार संघटनांना नम्र आवाहन आहे की,बाळासाहेब ठाकरे यांनी ज्या चित्राकडं पाहून हेच खरे बाळशास्त्री असे उद्गगार काढले होते तेच छायाचित्र सर्वांनी 6 जानेवारी रोजी वापरावे.हे छायाचित्र पुन्हा केवळ दहा रूपये शुल्क आकारून उपलब्ध करून देण्याची व्यवस्था मराठी पत्रकार परिषदेने केली आहे.हे छायाचित्र कोणाला हवे असेल तर त्यांनी शुल्क भरून मागवून घ्यावे.त्यासाठी परिषदेचे सरचिटणीस अनिल महाजन यांच्याशी ९९२२९९९६७१    या क्रमांकावर संपर्क साधावा असे आवाहन मराठी पत्रकार परिषदेच्यावतीने करण्यात आले आङे.

Related Articles

शाब्बास विजय गराडे

शाब्बास विजय गराडेआम्हास आपला अभिनान आहे.. मुंबई : पत्रकार फक्त स्वतःसाठीच ऑक्सीजन किवा अन्य आरोग्य सुविधा मागतात असं नाही गरजेनुसार ते सामांन्य रूग्णांना देखील ऑक्सीजन...

मंत्र्यांच्या पत्रांना ही “केराची टोपली”

*डझनभर कॅबिनेट मंत्र्यांच्या पत्रांनामुख्यमंत्र्यांकडून केराची टोपलीमंत्र्यांमध्ये नाराजीचा सूर मुंबई : "राज्यातील पत्रकारांना फ़न्टलाईन वर्कर म्हणून मान्यता द्यावी" अशी मागणी करीत राज्यातील बारा प्रमुख मंत्र्यांनी मुख्यमंत्र्यांना...

उध्दवजी आता तरी हट्ट सोडा

मध्य प्रदेश सरकार घेणार कोराना बाधित पत्रकारांची काळजीमहाराष्ट्र सरकार आपला हट्ट कधी सोडणार : एस.एम.देशमुख मुंबई : मध्य प्रदेशमधील शिवराज सिंह चौहान सरकार राज्यातील कोरोना...

LEAVE A REPLY

Please enter your comment!
Please enter your name here

Stay Connected

21,960FansLike
0FollowersFollow
0SubscribersSubscribe
- Advertisement -

Latest Articles

शाब्बास विजय गराडे

शाब्बास विजय गराडेआम्हास आपला अभिनान आहे.. मुंबई : पत्रकार फक्त स्वतःसाठीच ऑक्सीजन किवा अन्य आरोग्य सुविधा मागतात असं नाही गरजेनुसार ते सामांन्य रूग्णांना देखील ऑक्सीजन...

मंत्र्यांच्या पत्रांना ही “केराची टोपली”

*डझनभर कॅबिनेट मंत्र्यांच्या पत्रांनामुख्यमंत्र्यांकडून केराची टोपलीमंत्र्यांमध्ये नाराजीचा सूर मुंबई : "राज्यातील पत्रकारांना फ़न्टलाईन वर्कर म्हणून मान्यता द्यावी" अशी मागणी करीत राज्यातील बारा प्रमुख मंत्र्यांनी मुख्यमंत्र्यांना...

उध्दवजी आता तरी हट्ट सोडा

मध्य प्रदेश सरकार घेणार कोराना बाधित पत्रकारांची काळजीमहाराष्ट्र सरकार आपला हट्ट कधी सोडणार : एस.एम.देशमुख मुंबई : मध्य प्रदेशमधील शिवराज सिंह चौहान सरकार राज्यातील कोरोना...

कुबेरांची कुरबूर

कुबेरांची कुरबूर अग्रलेख मागे घेण्याचा जागतिक विक्रम लोकसत्ताचे संपादक गिरीश कुबेर यांच्या नावावर नोंदविला गेलेला आहे.. तत्त्वांची आणि नितीमूल्यांची कुबेरांना एवढीच चाड असती तर त्यांनी...

पत्रकारांच्या प्रश्नांवर भाजप गप्प का?

पत्रकारांच्या प्रश्नावर भाजप गप्प का? :एस.एम.देशमुख मुंबई : महाराष्ट्र सरकार पत्रकारांना फ़न्टलाईन वॉरियर्स म्हणून घोषित करीत नसल्याबद्दल राज्यातील पत्रकारांमध्ये मोठा असंतोष असला तरी विरोधी पक्ष...
error: Content is protected !!