आ. रेड्डींना पत्रकारांचा ‘हिसका’..

पारशिवनी येथील शासकीय विश्रामगृहात नुकतीच या क्षेत्राचे आमदार डी मल्लीकार्जून रेड्डी यांच्या प्रमुख उपस्थितीत मत्स्यबीज संचयन व केज कल्चर प्रकल्प यांनी पत्रकार परिषद घेतली. या पत्रकार परिषदेतच आमदारांनी पत्रकारांचा प्रश्नांचे उत्तर न देता अपमानास्पद बोलले. या घटनेचा पारशिवनी पत्रकारांनी निषेध केला.

 या घटनेला पारशिवनी पत्रकार संघाने दुजोरा देत , यापूढे आमदार रेड्डी यांच्या पत्रकार परीषद पारशिवनी येथे घेणार नाही.  असे सर्वानुमते ठरले.पार पडलेल्या पत्रकार परिषदेत महाराष्ट्र मत्स्योद्योग विकास महामंडळ मर्यादित पेच जलाशय क्षेत्र 1605 हेक्टर मध्ये सन2017 ते 2022 पर्यंत मत्स्य उद्योगासाठी ठेका पद्धतीने ई – निविदा देण्यात आली होती. परंतू मुख्यमंत्री व पालकमंत्री यांच्या माध्यमातून आम्ही प्रथम निविदा रद्द करून चार संस्थांना 1 ) आदर्श सहकारी म.संस्था , 2) कुवारा भिवसेन म.संस्था नवेगाव खैरी 3) पेंच प्रकल्प किरंगी सर्रा म.संस्था  , 4) जलकृषक म.संस्था सराखा बोर्डा या संस्थांच्या घेऊन स्थानक मासेमारांना रोजगार मिळेल या हेतूने पुढील पाच वर्षासाठी मान्यता दिली.

     या विषयावर झालेल्या पत्रकार परिषदेत तालुका पत्रकार संघ अध्यक्ष भुजंग ढोरे यांनी शासनाच्या या योजनेमध्ये नफा किती व तोटा किती ? व ठेका रक्कम कुणी भरली ? अश्या संबंधित प्रश्नांची विचारपूस केली असता , तुम्ही चूप रहा , तुम्ही बोलू नका व तुम्हाला प्रश्न विचारण्याचं अधिकार तुम्हाला नाही. असे आमदार डी.मल्लीकार्जून रेड्डी यांनी रोषपूर्ण भाषेत सुनावले . एवढ्यावरही न थांबता ढोरे यांना अपमान जणक बोलले.

    या त्यांच्या वागण्यावर आक्षेप घेत पत्रकारांनी पत्रकार परिषदेवर  बहिष्कार टाकला. त्याचाच अनुषंगाने आज तालुका पत्रकार संघाने तातळीची सभा घेऊन एकमताने ठराव घेत रेड्डी यांच्या भविष्यातील पत्रकार परिषदेवर बहिष्कार टाकला. व वृतांकन न करण्याचे ठरविले.  व निषेध केला.